ఎక్కడో చిరుజల్లు పడితే ఇక్కడెందుకు గొడుగు పడతావు
ఎక్కడో పారేటి నీటికి ఇక్కడెందుకు చాల్లు కడతావు
గాయమొకరికి వైద్యమొకరికి రోగమెప్పుడు కుదుట పడును
మనసుకే అవినీతి కుడితే మనిషికెందుకు మందు పడతావు
మనసుకే అవినీతి కుడితే మనిషికెందుకు మందు పడతావు
సొమ్ము ఒకడిది షొకు ఒకడిది దేశమెప్పుడు బాగుపడును
పొరుగునే పూరిళ్ళు ఉన్నా పరులకెందుకు మేడ కడతావు
పొరుగునే పూరిళ్ళు ఉన్నా పరులకెందుకు మేడ కడతావు
బాధలొకరివి భాగ్యమొకరిది సమత మమతలు ఎక్కడున్నవి
ఆకలంటూ ఆర్తినొందే వారికెందుకు కడుపు కొడతావు
ఆకలంటూ ఆర్తినొందే వారికెందుకు కడుపు కొడతావు
కీర్తికోసం ఎన్ని జిత్తులో తెలిసి ఎందుకు బాధపడతావు
17.4.2014
