ఆశ Abd Wahed

గగనాన్నే పట్టుకుని ఇంటిలోన పెంచుకునే ఆశా
రహదారిని చేయిపట్టి మనతోనే ఉంచుకునే ఆశా

ప్రయాణమే ముఖ్యమైతె గమ్యంతో పనేలేదు మనకూ
మనలోపలి దారుల్లో దూరాలను దాటుకునే ఆశా

నీడలాగ పెరుగుతున్న వయసులోని చీకట్లను చూసీ
చిన్నప్పటి చిరుదీపం వెలుగులనే దాచుకునే ఆశా

రాత్రిపగలు గోడల్లో పునాదిగా నిలబడడం మానీ
రెక్కవిప్పి కాలంతో వేగాన్నే పంచుకునే ఆశా

నెత్తుటిలో ప్రతిబొట్టూ నిప్పురవ్వగా మారేదెపుడో
ఎండుగడ్డి దేహంలో మంటలు రగిలించుకునే ఆశా

దారిలోన దోపిడైన సాహసాల సంపదలను వెదికీ
మరోసారి ప్రమాదాన్ని వెదికిమరీ పట్టుకునే ఆశా

చింతిస్తే లాభమేమి లోపాలను తలచి వగచి వగచీ
లోటుపాట్లు బలాలుగా దియామనం మార్చుకునే ఆశ

Top of Form