గగనాన్నే
పట్టుకుని ఇంటిలోన పెంచుకునే ఆశా
రహదారిని చేయిపట్టి మనతోనే ఉంచుకునే ఆశా
రహదారిని చేయిపట్టి మనతోనే ఉంచుకునే ఆశా
ప్రయాణమే
ముఖ్యమైతె గమ్యంతో పనేలేదు మనకూ
మనలోపలి దారుల్లో దూరాలను దాటుకునే ఆశా
మనలోపలి దారుల్లో దూరాలను దాటుకునే ఆశా
నీడలాగ
పెరుగుతున్న వయసులోని చీకట్లను చూసీ
చిన్నప్పటి చిరుదీపం వెలుగులనే దాచుకునే ఆశా
చిన్నప్పటి చిరుదీపం వెలుగులనే దాచుకునే ఆశా
రాత్రిపగలు
గోడల్లో పునాదిగా నిలబడడం మానీ
రెక్కవిప్పి కాలంతో వేగాన్నే పంచుకునే ఆశా
రెక్కవిప్పి కాలంతో వేగాన్నే పంచుకునే ఆశా
నెత్తుటిలో
ప్రతిబొట్టూ నిప్పురవ్వగా మారేదెపుడో
ఎండుగడ్డి దేహంలో మంటలు రగిలించుకునే ఆశా
ఎండుగడ్డి దేహంలో మంటలు రగిలించుకునే ఆశా
దారిలోన
దోపిడైన సాహసాల సంపదలను వెదికీ
మరోసారి ప్రమాదాన్ని వెదికిమరీ పట్టుకునే ఆశా
మరోసారి ప్రమాదాన్ని వెదికిమరీ పట్టుకునే ఆశా
చింతిస్తే
లాభమేమి లోపాలను తలచి వగచి వగచీ
లోటుపాట్లు బలాలుగా దియామనం మార్చుకునే ఆశ
లోటుపాట్లు బలాలుగా దియామనం మార్చుకునే ఆశ
