Saturday, November 24, 2012

ఉందో లేదో స్వర్గం


రచన : తటపర్తి రాజగోపాలన్

గానం : గజల్ శ్రీనివాస్

ఉందో లేదో స్వర్గం నా పుణ్యం నాకిచ్చెయ్
సర్వస్వం నీకిస్తా నాబాల్యం నాకిచ్చెయ్

అమ్మ గుండెలోదూరి ఆనందంతో తుళ్ళి
ఆదమరచి నిదరోయే ఆ సౌక్యం నాకిచ్చెయ్

కేరింతలతో కుదిపి బుల్లిబొతలు తడిపి
ఊయల కొలువులు ఏలే ఆ రాజ్యం నాకిచ్చెయ్

చెత్తను వేసెబుట్ట ఆట సామను పుట్ట
విరిగినవన్నీ నావే నా మాన్యం నాకిచ్చెయ్

అమ్మ లాలనకు ముందు బ్రహ్మ వేదాలుబందు
ముక్తికేలనే మనసా బాల్యంకోసం తపస్సుచెయ్

సూచిన వన్నీ కోరుతూ ఏడుస్తుంటే రాజా
అమ్మ పెట్టిన తాయిలం ఆ భాగ్యం నాకిచ్చెయ్