ఇందిర\\గజల్\\

గాయపడిన గుండెలోనె గజలు ఒకటి మొలుస్తుంది
రాలిపడిన కంటినీరె బాధనంత గెలుస్తుంది

నీటిచుక్క నేలరాలి రూపుమాసి పోయినా
మొలకనవ్వు సిరులుపండి హరితవనం వెలుస్తుంది

రెప్పపాటు కాలమైన గొప్పదిలే ఓ `ఇందిర'
క్షణమొకటే మౌనముగా యుగములనే తొలుస్తుంది
అణువుతోడ పలికె భూమి తన చరితే ఘనతరమని
తరచిచూడ ఆ పుట్టుక మర్మమేదొ తెలుస్తుంది

రాశులుగా శాస్త్రాలను ఆపోశన పట్టితేమి
జీవితాన అనుభవమే నీ తోడుగ నిలుస్తుంది

*9\11\13