.jpg)
అలా అలా దాగిన జలతారు పరదాలచాటు ఇంకా గుర్తుందిలే
గల గలా సాగిన నవ్వులతీరు పూలైనచోటు ఇంకా గుర్తుందిలే
నీకై నిరీక్షించి నిరీక్షించిన ఆ సాయంకాలం
కనులెదుటే మెరుపులా వచ్చిపోయిన జాడ ఇంకా గుర్తుందిలే!
పరాకుగా విదిల్చిన మాటకు నొచ్చుకున్నావో లేదో
ప్రక్కకు తిరిగి గిర్రున రాల్చిన ముత్యపుబొట్టు ఇంకా గుర్తుందిలే !
చిగురుతొడిగిన మొగ్గ సిగ్గులొలికిన నా బుగ్గ
అందానికే అందమని చదివిన ఆనాటి కవిత ఇంకా గుర్తుందిలే!
గుబులుపెట్టిన ఆ నీలిమేఘం భళ్ళున రాలితే
చెట్టునీడలో ఒదిగి ఒదిగి తడిన ఆ వాన ఇంకా గుర్తుందిలే!
బాటసారినై అలసి నీ గుమ్మాన దాహమడిగితే
చిరునవ్వుల కూ'జాను'ఒంపి తడిపిన తీరు ఇంకా గుర్తుందిలే !
**********25.4.2014
