Monday, March 25, 2013

ఒక కల - పద్మ అర్పిత గజల్



పద్మ అర్పిత గారి రచన

అధ్భుతమైన చిత్రాన్ని గీయాలని ఒక కల
ఆ చిత్రంలో జీవకళ ఉట్టిపడాలని ఒక కల

మంచి కవిత వ్రాయాలని
నా భావాలన్నీ అందులో పొందుపరచాలని ఒక కల.

మధురమైన గేయం రచించాలని
ఆ పాటతో అందరూ పరవశించిపోవాలని ఒక కల.

ఎంతో ఉన్నతంగా జీవించాలని
నా జీవితం అందరికీ ఆదర్శం కావాలని ఒక కల.

అజ్ఞాతంగా అంతమైపోవాలని
అంతమై అందరిలో జీవించాలని ఒక కల.

వికసించిన "పద్మ"మైపోవాలని
పదములు నడిపే పాదాలుచేరాలని ఒక కల.

1 comment:

  1. ఎంతో ఉన్నతంగా జీవించాలని
    నా జీవితం అందరికీ ఆదర్శం కావాలని ఒక కల....మీ కల నెరవేరాలని

    ReplyDelete